Ni PIERRE BOCO
HUMAKOT ng iba’t ibang reaksiyon ang premiere telecast ng Encantadia, ang pagbabalik-telebisyon nito noong Lunes labing-isang taon pagkaraan ng original run.
Libu-libo sa mga nanood ng pilot ng bagong edisyon ng Encantadia ang nag-post sa social media kaya naging trending topic ito sa Twitter gamit ang hashtag na #Encantadia.
BALITAnaw: Ang dalawang babaeng naging pangulo ng Pilipinas
“Sobra excited ang mga kapuso para tonight, trending na agad Encantadia!” sabi ng Twitter user na si @cookie_cream97.
Ang sabi naman nina @JOWAPAO_ at @JohnnyUsman, “WORTH IT ANG 11 YEARS #Encantadia,” “I normally don’t watch local series. I just hate the same old formula. Thank you GMA for this #Encantadia remake! I was a fan of the orig.”
Pero hindi lang matagal nang fans ang naakit, nagkaroon din ito ng mga bagong manonood na bumilib sa magandang production nito.
“Uyyy as a Mass Comm graduate, I approve! In fairness ang ganda, hindi trying hard. #Encantadia,” tweet rin ni @KarlaBonifacio.
Ilan lang ang mga ito sa napakaraming nagpa-trending sa requel ng Encantadia na napapanood na gabi-gabi sa GMA-7 pagkatapos ng 24 Oras.
