Mga laro ngayon
(Rizal Memorial Baseball Field)
8 n.u. -- PAF vs UST
10 n.u. -- NU vs IPPC
Angelica Yulo, proud na ibinida hakot awards na 'Golden Boy' anak na si Eldrew
Patitibayin ng defending champion Philippine Air Force at IPPC Hawks ang kampanya na makabalik sa championship match sa pagsagupa sa magkahiwalay na laro sa cross-over quarterfinal ng 2016 PSC Commissioners Baseball Cup sa Rizal Memorial Baseball Field.
Sasagupain ng PAF Airmen sa unang laro sa ganap na 8:00 ng umaga ang pinakahuling nagkuwalipika na University of Santo Tomas (UST) Growling Tigers bago sundan nang salpukan sa pagitan ng IPPC Hawks at National University (NU) Bulldogs sa 10:00 ng umaga.
Winalis ng Airmen ang apat nitong laro sa Group A upang okupahan ang unang silya sa quarterfinals, habang binigo ng Growling Tigers ang University of the Philippines (UP) Fighting Maroons sa huling laro sa eliminasyon, 8-5, upang okupahan ang ikalawang puwesto sa Group C.
Ang Airmen ang back-to-back (2014-2015) PSC Commissioner’s Cup champion.
Asam naman ng IPPC na makabalik sa kampeonato sa pagsagupa nito sa matatag NU Bulldogs. Tanging kabiguan ng Bulldogs sa elimination ay mula sa Airmen, 3-0.
