Duterte, Marcos, nanguna sa absentee voting

May 11, 2016

Sina presidential bet Davao City Mayor Rodrigo Duterte at vice presidentiable Senator Ferdinand “Bongbong” Marcos Jr., ang nanguna sa idinaos na local absentee voting (LAV).

Ayon kay Commission on Elections (Comelec) Commissioner Rowena Guanzon, batay sa unofficial result ng LAV, malaki ang naging lamang nina Duterte at Marcos sa mga nakalaban nilang kandidato para sa May 9 national elections.

Nabatid na si Duterte ay nakakuha ng 10,283 boto sa LAV, sumunod sa kanya si Vice President Jejomar Binay na nakakuha ng 4,375; ikatlo si Sen. Grace Poe na may 1,628; pang-apat si Liberal Party bet Mar Roxas na may 1,419 na boto; panglima si Sen. Miriam Defensor-Santiago na nakakuha ng 1,252 boto; at panghuli ang yumaong si dating Ambassador Roy Señeres na mayroong dalawang boto.

Sa vice presidential race naman, si Marcos ay nakakuha ng 11,683 boto, na malayung-malayo sa nakuhang boto ng pumapangalawa na si Liberal Party bet Leni Robredo na may 2,341 boto.

Nasa ikatlong pwesto naman si Sen. Alan Cayetano na may 2,134 na boto; pang-apat si Sen/ Antonio Trillanes IV, 1,588 boto; panglima si Sen. Francis “Chiz” Escudero, 944 na boto; at pang-anim si Sen. Gringo Honasan, 314 na boto.

Isinagawa ang LAV mula Abril 27 hanggang 29. Ang canvassing ay isinagawa naman nitong Martes. (Mary Ann Santiago)

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...