May kabuuang 70 matitinding duwelo ang naghihintay sa mga apisyonado sa paglalatag ng ika-12 yugto ng 2016 UFCC Cock Circuit sa Pasay City Cockpit Arena sa pangunguna ng 11th Leg solo champion na si Gerry Teves (Gerry Boy) na sisikapin makaangat pa sa labanan para sa Cocker of the Year.

Inaasahan naman na si 2016 World Slasher Cup – 1 champion Engr. Sonny Lagon (Blue Blade Farm) ang muling makakukuha ng number one spot sa 2016 Ultimate Fighting Cock Championship (UFCC) Cocker of the Year mula kay Joey Delos Santos (San Roque).

Sa 40.5 puntos, nagbabanta nitong biguin si Delos Santos, may iskor na 41.5, sa kampanya para sa prestihiyosong titulo.

Tumatanggi ring magpahuli si Fiscal Villanueva/Eboy (Fiscalizer) na may 38.5 puntos; Arman Santos (Jade Red), 37 puntos; Gerry Ramos (AAO Striker), 36.5 puntos; Gerry Teves (Gerry Boy), 36 puntos; at Gov. Eddiebong Plaza (1st Mindanao International 7-Cock), 35.5 puntos.

6 koponan nagbabalak ligwakin ang PVL; lilipat daw sa bagong liga?

Katuwang sa ginaganap na kompetisyon ang Supersabong – Bigtime Sabong sa Telebisyon, Cockpihan – Usapang Sabong sa Radyo, at Bagong Sabungero Magasin.