NATAPOS na ang matagal na paghihintay! May Snapchat na rin si Kendall Jenner, gaya ng ng kanyang nakababatang kapatid na si Kylie Jenner at ng BFF niyang si Gigi Hadid.
Gaya ng inaasahan, si Kylie ang naghayag nitong Martes na ang kanyang nakatatandang kapatid ang nagmamay-ari ng Snapchat account na @kenjen.
Ngunit mabilis na sumagot si Kendall sa Twitter at sinabing, “wait wait wait! changing my username on snap! getting it set up now :) keep y’all posted.” At tuluyan na nga niya itong pinalitan ng @kendalljenner.
'Iconic women!' Pinakamalaki at pinakamaliit na babae sa buong mundo, nagkita!
Isang araw pa lamang sa Snapchat si Kendall ngunit kapansin-pansin ang pagiging aktibo niya rito. Ang una niyang post ay isang chipmunk-voiced snap na may cameo ni Kylie.
Mayroon din siyang mga selfie na sakay siya sa mga mamahaling sasakyan, isang table pic mula sa event ng Kendall + Kylie Nordstrom, isang tuta, at marami pang iba.
Mabuti na lamang at may nakababatang kapatid si Kendall (si Kylie na kilalang Queen of Snapchat) na maaasahan niya kung may mga tanong siya sa paggamit ng Snapchat. (The Insider)
