PNOY, NAGULAT-Balita

PARA na ring inamin ni Pangulong Noynoy Aquino na ginawa siyang tanga ni Sen. Grace Poe o nagmukha siyang tanga nang hirangin niya si Pulot bilang chairperson ng Movie and Television Review and Classification Board (MTRCB) noong 2010. Ayon sa solterong pangulo, akala niya noon ay walang isyu sa citizenship si Sen. Grace.

Nang magbaba ng desisyon ang Supreme Court (SC) na puwedeng tumakbo sa pagkapangulo si Sen. Poe, nagulat umano si PNoy kaya hiniling niya sa SC na liwanagin ang citizenship laws upang malaman kung ano ang mga basehan kung bakit binaligtad nito ang kasong diskuwalipikasyon ng Commission on Elections (Comelec) laban kay Grace.

Bakit hindi tinanong ni PNoy nang hirangin niya si Ampon kung wala siyang problema sa citizenship? Bakit hindi nag-background check ang kanyang mga adviser kung si Poe ay Amerikana ba o Pilipina? Bakit hindi rin niya tinanong si Grace noong “nililigawan” niya ito para maging katambal ni Mar Roxas sa 2016 election?

Samantala, sinabi ni Sen Grace na handa niyang ibigay kay PNoy ang lahat ng impormasyon na nais nitong malaman tungkol sa kanyang citizenship at residency. Ayon kay Pulot, nagulat daw siya sa pahayag ni PNoy ngunit handa siyang magkaloob ng mga dokumento upang ganap na maintindihan nito ang kanyang kaso.

Ang pulitika ay talagang nakagugulat. Akalain ba ninyong magkatabi pa sina PNoy at Vice President Jojo Binay sa graduation rites ng Philippine National Police Academy Class 2016 na ginanap sa Camp General Mariano Castaneda, Silang, Cavite.

“Nag-usap kaya ang dalawa?” tanong ng kaibigan kong senior-jogger. Ibinulong kaya ni PNoy kay VP Binay na kung ito ang magiging presidente, hindi siya ipakukulong. Kung sa ordinaryong mga tao nangyari ito, hindi sila magkikibuan o kaya’y magbabatian.

***

Pumanaw na si ex-Sen. Jovito Salonga sa edad na 95, noong Huwebes, sa Philippine Heart Center. Siya ay itinuturing na statesman at freedom fighter noong panahon ng diktadurya. Siya ang Senate President nang ipasiya ng Senado na wakasan na ang pananatili ng US bases sa Pilipinas. (BERT DE GUZMAN)

‘Immortal love?’ Enrile at misis nagdiwang ng 67th wedding anniversary

Binati ni Katrina Ponce Enrile ang kaniyang mga magulang na sina Presidential Legal Counsel Juan Ponce Enrile at dating ambassador Cristina Enrile na nagdiwang ng kanilang 67th wedding anniversary.Sa isang Facebook reel ni Katrina noong Miyerkules, Setyembre 18, 2024, ibinahagi niya ang sweet moments ng kaniyang mga magulang na may nakalagay na “happy anniversary.”FacebookMababasa rin sa...

Pusa hinagis sa dagat para sa content; dalawang menor de edad, timbog

Matapos mag-viral at umani ng mga negatibong reaksiyon ang video ng isang pusang inihagis sa dagat, tuluyang nasakote ng pulisya ang dalawang menor de edad na siyang nasa likod ng nasabing video.Kumalat ang nasabing video noong Miyerkules, Setyembre 18, 2024 kung saan makikita ang menor de edad na lalaki na inihagis ang isang pusa patungo sa dagat. Ang nasabing content ay inasistahan din ng isa...

72 PDL's ng Manila City Jail, naka-enrol sa PUP Open University

Sa makasaysayang pagkakataon, maaari nang makapagtapos sa kolehiyo at magkaroon ng degree ang 72 persons deprived of liberty (PDL's) na nasa Manila City Jail, matapos dalhin ng Polytechnic University of the Philippines (PUP) ang kanilang Open University System para sa mga mag-aaral na hindi makakapagsagawa ng physical classes.Ayon sa Facebook page ng PUP-OUS, 72 sa PDL's ng nabanggit na...