Umaatikabong aksiyon mula sa kabuuang 102 sultada ang magpapayanig sa Pasay Cockpit Center para sa 6th Leg ng One-Day 6-Cock Derby ng 2016 UFCC Cock Circuit.
Magsisimula ang aksiyon sa ganap na 2:00 ng tanghali.
Nangunguna sa kampanya para sa titulong 2016 UFCC Cocker of the Year si World Slasher Cup champion Engr. Sonny Lagon (Blue Blade Gamefarm) na may 20 puntos matapos ang isang solong kampeonato at dalawang magkasunod na runner-up.
Nagbabantang hadlangan naman ni 2015 World Slasher Cup champion Gerry Ramos, (AAO Striker) may 19.5 puntos, at Joey delos Santos (San Roque), 19 puntos, ang pag-abante ni Lagon para angkinin ang karangalan.
6 koponan nagbabalak ligwakin ang PVL; lilipat daw sa bagong liga?
Hindi naman pahuhuli sa kampanya si Jojo Cruz (JTC Kaingin), 3rd at 5th leg champion,pumapang-apat sa kanyang 18.5 puntos. Nakabuntot si Dorie Du ng Davao bitbit ang 18 puntos.
Nakakasa naman sa pag-abante sina Dong Chung (D Pakners) at Gov. Eddiebong Plaza (EP RJM Roosterville) na susubuking pumiglas sa pagkakatabla sa 17 puntos.
Abangan din ang maaksiyong laban ng mga kalahok na bituin ng sabong na sinaAtong Ang, Allan Syiaco, Andy Ong (Adza Gamefarm), Anthony Lim, Arman Santos, Art Atayde & Teng Ranola, Atty. Astorga, Nad Mendoza, Baham Mitr; Gov. Claude Bautista, Bebot Roxas, Cong. Panganiban, Cong. UnabDanny Soraino & Magno Lim, Nelson Uy, Eddie Boy Villanueva, Eddie Gonzales, Engr. Celso Salazar, Eric dela Rosa, , Gerry Teves, Homer, Ka Luding Boongaling, Ramon Atayde, Rey Briones, Ricky Magtuto, RJ Mea, Engr. Tony Marfori, Edwin Tose, at ang Pleasant Group. Sa paanyaya ng UFCC (Ultimate Fighting Cock Championships, ang 2016 UFCC Cock Circuit ay magkasanib na ini-isponsoran ng Thunderbird Bexan XP at Thunderbird Platinum, Sagupaan, Solaire Resorts & Casino, at Resorts World – Manila.
