SAN JOSE, Tarlac - Apat na katao ang isinugod sa Tarlac Provincial Hospital matapos magkabanggaan ang isang tricycle at isang motorsiklo sa Bangkereg Junction Road sa Barangay Iba, San Jose, Tarlac.
Ayon sa pulisya, nasugatan sa iba’t ibang bahagi ng katawan sina Ryan Arcangel, 33, may asawa, driver ng Rusi 125 tricycle (TV-1634); Cristinalyn Turla, 26; at Corazon Osorio, 29, may asawa, pawang taga-Sitio Bangkereg, Bgy. Iba, San Jose, Tarlac.
Nasugatan din sa salpukan si Michael Bajo, 25, may asawa, driver naman ng Euro 150 motorcycle, ng Bgy. Timmaguab, Santa Ignacia, Tarlac. (Leandro Alborote)
Probinsya
