Kalaboso ang inabot ng dalawang holdaper sa isang UV Express van dahil sa maagap na pagresponde ng tatlong tauhan ng Pasay City Police kamakalawa ng madaling araw.
Nakakulong ngayon ang mga suspek na sina Jeo Lavadia, 18 at Rommel Garcia, 19.
Dakong 5:00 ng madaling araw nang marinig nina PO2 Angelo Vallo, PO1 Dennis Suyu at PO1 Cesar Baldrinario ng CCP Complex-Police Community Precinct ang sigaw ng dalawang pasahero ng UV Express Mitsubishi Adventure na may plakang UWH-977 sa Roxas Boulevard.
Mabilis na tumakbo ang dalawang suspek dala ang personal na gamit at cash ng mga pasahero at tinangkang sumakay sa isang pampasaherong jeep subalit naabutan sila ng tatlong pulis. (Bella Gamotea)
Blind Item
