PNP spokesman, sinibak sa puwesto

May 27, 2015

Sinibak kahapon sa kanyang posisyon ang tagapagsalita ng Philippine National Police (PNP) sa hindi pa rin mabatid na kadalihanan.

Kinumpirma ni Senior Supt. Robert Po, deputy chief ng PNP-Public Information Office, na may inilabas na relief order ang pamunuan ng PNP kay Chief Supt. Wilben Mayor bilang PNP spokesman.

Sinibak si Mayor sa kainitan ng isyu sa pagkamatay ng 44 miyembro ng PNP Special Action Force (SAF) sa Mamasapao, Maguindanao matapos tambangan ng mga rebeldeng Moro Islamic Liberation Front (MILF) at Bangsamoro Islamic Freedom Fighters (BIFF) noong Linggo ng madaling araw.

Nitong mga nakaraang araw, magkakaiba ang tono ng pulisya, militar at iba pang sangay ng gobyerno nang tukuyin ng ilang opisyal ang insidente bilang “misencounter” habang ang iba ay “ambush.”

Miyembro ng Philippine Military Academy (PMA) Class of 1985, nagsilbi si Mayor bilang PNP spokesman at hepe ng PNP-PIO ng halos apat na buwan.

Nasungkit ni Mayor ang kanyang one-star rank o chief superintendent bilang PNP spokesman nitong nakaraang taon.

Hindi pa rin malinaw kung saang puwesto ililipat si Mayor subalit ayon sa sources, ang itinalagang kapalit niya bilang tagapagsalita ng Pambansang Pulisya ay si Chief Supt. Generoso Cerbo Jr.

Ito ang ikalawang pagkakataon na uupo si Cerbo bilang PNP spokesman, na kanya ring hinawakan halos dalawang taon na ang nakararaan.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...