Bumuo ng isang task force ang Palasyo para matiyak na magiging matagumpay ang pagdalaw sa bansa ni Pope Francis mula Enero 15 hanggang 19 sa susunod na taon.
Sa bisa ng Memorandum Circular No. 72, ipinag-utos ni Pangulong Benigno Aquino III ang pagtatag ng Papal Visit 2015-National Organizing Committee (PV-NOC) na mamamahala sa preparasyon sa pagbisita ng Papa, na itinuturing na napakahalagang okasyon sa sambayanang Pilipino.
