Abaya, Vitangcol iimbestigahan sa MRT 3 contract

Abaya, Vitangcol iimbestigahan sa MRT 3 contract—Ombudsman

Ipinag-utos ng Office of the Ombudsman (OMB) ang pagsasagawa ng imbestigasyon sa kasalukuyan at dating opisyal ng Department of Transportation and Communication (DoTC) kaugnay ng umano’y maanomalyang maintenance contract para sa Metro Rail Transit (MRT) Line 3.

Ipinag-utos ni Ombudsman Conchita Carpio Morales ang imbestigasyon base sa rekomendasyon na isinumite ng OMB Field Investigation Office (FIO).

Nahaharap sa imbestigasyon sa posibleng paglabag ng Anti-Graft and Corrupt Practices Act sina DoTC Secretary Emilio Abaya at dating MRT General Manager Al Vitangcol III.

Kasama rin sa charge sheet ang mga miyembro ng DoTC Bids and Awards Committee na sina Undersecretary Jose Perpetuo Lotilla, Undersecretary Rene Limcaoco, Undersecretary Rafael Antonio Santos, Assistant Secretary Ildefonso Patdu, Assistant Secretary Dante Lantin, at Light Rail Transit Authority (LRTA) Administrator Honorito Chaneco.

Ilang miyembro ng negotiation team ang kabilang din sa mga inireklamo sa Ombudsman at ang mga ito ay sina Misael Narca, Engineer Joel Magbanua, Arnel Manresa, Natividad Sansolis, Engr. Gina Rodriguez, Eugene Cecilio, Engr. Raphael Lavides, Atty. Geronimo Quintos; at mga kinatawan ng Philippine Trans Rail Management and Services Corporation-Comm Builders and Technology Philippines Corporation (PH Trams - CB&T) na sina Wilson De Vera, Arturo Soriano, Marlo Dela Cruz, Manolo Maralit at Federico Remo.

Sina Vitangcol, De Vera, Soriano, De la Cruz, Maralit at Remo ay nahaharap sa hiwalay na kaso ng paglabag sa Government Procurement Reform Act.

Mayo ngayong taon nang nagbitiw si Vitangcol bilang MRT general manager.

Iniulat ng FIO na nilagdaan ang maintenance agreement para sa mga bagon noong Disyembre 1997 ng MRT Corporation bilang facility owner at Sumimoto Corporation para sa ligtas at maayos na operasyon nito.

Matapos mag-expire ang orihinal na maintenance agreement noong Hunyo 2010, apat na beses itong pinalawig hanggang Oktubre 2012.

Lumitaw din sa imbestigasyon na inirekomenda ng negotiating team na ipagkaloob ang maintenance project sa PH Trams-CB&T joint venture sa buwanang halaga na $1.15 million.

Oktubre 20, 2012 nang ibinigay ang kontrata sa proyekto sa PH Trams-CB&T nang walang public bidding, ayon sa Ombudsman. - Jun Ramirez

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...