ANO’NG nangyari sa Pinoy Big Brother All In housemate na si Manolo Pedrosa na noong mga naunang episode ng reality show ay malakas ang dating sa viewers dahil cute at mabait kaya gusto ng lahat at hinulaang mananalo.
Pero kalaunan ay ‘waley’ naman pala at pinaalis na sa Bahay ni Kuya at simula noon ay wala na kaming narinig tungkol sa kanya.
Hanggang sa natapos na ang PBBAI season at ngayong halos lahat ng housemates tulad ng kambal na Fourth at Fifth, Jane, Mariz, Loisa at Joshua ay may kanya-kanya nang seryeng gagawin, wala pa ring ingay mula sa kampo niya.
50.78% examinees, pasado sa Nov. 2024 Licensure Exam for Agriculturists
Naalala tuloy namin ang komento ng mga nakakakilala kay Manolo noon, na hindi namin pinaniwalaan, “Naku, malaki ang gagastusin ng ABS-CBN kay Manolo dahil katakut-takot na workshop ang gagawin sa kanya kasi wala siyang talent, hindi marunong sumayaw, hindi marunong kumanta, hindi marunong mag-drama, hindi rin marunong mag-host. Guwapo at mabait lang siya.”
Para sa amin, laging may ibubuga ang isang newcomer sa showbiz depende sa magpapatakbo ng career nila. Pero kung totoo man ang naturang impresyon, ano kung ganoon ang ipinakita niyang talent nu’ng mag-audition siya sa PBBAI at paano siya pumasa? O baka naman may padrino siya sa ABS-CBN kaya siya nakapasok sa Big Brother house?
Sayang naman, leading man material sana si Manolo kung pagbabasehan ang itsura, height at rehistro sa TV camera bukod pa sa maayos pumorma. Well, baka nga someday ay ibang Manolo Pedrosa na ang bubulaga sa atin kapag nahasa na siya nang husto ng ABS-CBN.
O baka naman mas inuna ang pag-aaral, hindi kaya, Bossing DMB?
(‘Buti pa! At pagka-graduate, saka na lang siya bumalik sa showbiz. --DMB)
