GAZA/CAIRO (Reuters) – Nanawagan ang Egypt sa Israel at sa mga Palestinian na tigilan na ang digmaan at ituloy ang usapang pangkapayapaan, pero patuloy ang pag-atake ng magkabilang panig, kabilang ang isang Israeli air strike na nagwasak sa may 13-palapag na residential tower block sa gitna ng Gaza City, na ikinasugat ng 13.
Nagpapaulan din ng rocket ang Hamas sa Israel, nasapol ang katimugang lungsod ng Beersheba, na ikinasugat ng dalawang tao, ayon sa pulisya. May dalawang rocket din ang pinakawalan mula sa Lebanon patungong hilagang Israel bagamat hindi pa malinaw kung saan nanggaling ang mga ito.
