Kontrolado na ng Bureau of Fire Protection (BFP) ang forest fire sa Baler, Aurora.
Paliwanag ng BFP, dakong 10:00 ng gabi noong Biyernes nang maapula ang sunog na nagsimula noong Agosto 13 sa bahagi ng Sitio Diguisit sa Barangay Zabali.
Tumulong din sa pag-apula ng apoy ang isang chopper ng Philippine Air Force (PAF).
Paliwanag ng BFP, malaking tulong ang malakas na ulan sa lalawigan upang tuluyang makontrol ang pagliliyab.
