Usec. Castro: 'Hindi kami babae lang. Babae kami!'-Balita

Usec. Castro: 'Hindi kami babae lang. Babae kami!'

Direkta at matitibay na mga salita ang sinaad ni Palace Press Officer at Presidential Communications Office (PCO) Usec. Claire Castro para sa lahat ng kababaihan sa pagdiriwang ng Women’s Month.

Ayon sa isinagawang press briefing ni Castro nitong Miyerkules, Marso 4, 2026, nanindigan siyang hindi raw dapat gawing paksa sa malalaswang pananalita ang kababaihan at hinikayat niya ang publikong tigilan umano ang ganitong kultura.

“Kababaihan, hindi dapat ginagawang paksa ng malalaswang pananalita,” pagsisimula niya, “Let us end the culture of objectifying women.”

Ani Castro, ginagabayan, inaangat, ginagalang, at hindi umano basta lang ginagawang paksa ang kababaihan sa malaswang pagpapantasya ng ilan at ipinagmamalaki pa umano ito sa publiko.

“Ang kababaihan ay ginagabayan, inaangat, ginagalang, at hindi ginagawang paksa ng… malaswang pagpapantasya na ipinagmamalaki pa sa publiko,” aniya.

Dagdag pa niya, “Na dapat pa raw na ituring na compliment kapag ginawan ng kalaswaan sa isip ng isang lalaki at dapat pang ipagpasalamat ito ng isang babae.”

Pagpapatuloy ni Castro, hindi raw sila basta babae, babae sila, na nabubuhay sa lipunang kumikilala, nag-aangat, at nagbibigay ng lakas sa lahat ng kababaihan.

“Nabubuhay tayo sa lipunang kumikilala, gumagalang, nag-aangat, at nagbibigay lakas sa kababaihan,” saad niya, “Hindi kami babae lang. Babae kami.”

“This is empowering women to empower all women. Happy Women’s Month po sa lahat ng kababaihan,” pagtatapos pa niya.

Kaugnay nito, matatandaang inamin din mismo ni Castro na tila na-offend daw siya na nasabi ni Quezon City 4th District Rep. Bong Suntay tungkol sa aktres at TV host na si Anne Curtis-Smith noong Martes, Marso 3, 2026.

KAUGNAY NA BALITA: 'Hindi puwedeng sabihin na walang krimen:' Palasyo, nag-react sa 'pantasya' ni Suntay

Anang undersecretary, “Na-offend ako para sa lahat ng kababaihan. Lalo na kung ipagmamalaki pa na karangalan ng isang babae na siya ay pagpantasiyahan. Dapat pa bang ipagpasalamat na ang lalaki ay nag-iisip ng malaswa sa iyong pagkababae?”

Samantala, matatandaan ding humingi na ng dispensa ni Suntay kay Anne nito ring Miyerkules, Marso 4, 2026, at iginiit niyang hindi raw niya sinadya na maging malisyoso ang kaniyang pahayag.

KAUGNAY NA BALITA: Usec. Castro, inaming na-offend sa 'malaswang' pahayag ni Rep. Suntay!

KAUGNAY NA BALITA: Rep. Bong Suntay, nag-sorry kay Anne Curtis: ‘There was no malice intended!’

Mc Vincent Mirabuna/Balita

Overseas Voter Registration sa Israel at Iran, pansamantalang sinuspinde ng Comelec

Suspendido muna pansamantala ang pagdaraos ng Overseas Voter Registration sa mga bansang Israel at Iran, kasunod na rin ng lumalalang tensiyon sa pagitan ng mga naturang bansa. Sa abisong inilabas ng Commission on Elections (Comelec) nitong Miyerkules, Marso 4, nabatid na suspendido ang Overseas Voter Registration sa Israel hanggang sa Marso 7, 2026 habang suspendido naman 'until further...

'Sinabihan ko lang!' SILG Jonvic Remulla, itinangging inupakan si Bulacan Gov. Fernando

Itinanggi sa publiko ni Department of the Interior and Local Government (DILG) Sec. Jonvic Remulla ang tungkol sa kumalat na balitang inupakan at sinakal niya si Bulacan Governor Daniel Fernando. Matatandaang naging sap-usapan ang social media post ng broadcaster na si Ramon “Mon” Tulfo ang isiniwalat nitong kuwento tungkol umano’y nangyaring insidente sa pagitan ng bunsong anak ni Pangulong...

'I still have my knowledge, my experience!' Erice, nagsalita matapos palitan ni De Lima sa posisyon

Nagbigay si Caloocan City 2nd district Rep. Edgar “Egay” Erice ng kaniyang mga pahayag matapos pumalit sa kaniyang puwesto si Mamamayang Liberal (ML) Party-list Rep. Atty. Leila De Lima bilang bagong House Senior Deputy Minority Leader. Naganap ang pagpapalit ng liderato matapos maghayag ng manipestasyon si 4Ps Party-list Rep. Marcelino “Nonoy” Libanan sa ginanap na sesyon ng Kamara noong...