Hindi tinanggap ng International Criminal Court (ICC) Prosecution ang apela ni dating Pangulong Rodrigo Duterte na i-waive ang kaniyang karapatang dumalo sa nakatakda nilang pagdinig kaugnay sa confirmation of charges laban sa kaniya na magsisimula sa Lunes, Pebrero 23, 2026.
Ayon sa bagong dokumentong may anim (6) na pahina na inilabas ng Pre-Trial Chamber I ng ICC na nakapetsa noong Pebrero 19, 2026, sinabi nilang hindi raw nila tinatanggap ang nasabing apela ng dating pangulo.
Diin nila, hindi raw “entitled” si FPRRD na hindi dumalo sa nakatakdang pagdinig at Hukuman daw ang magdedesiyson kung may dahilan sila para hindi ituloy ang nakatakdang pagdinig.
“The Prosecution maintains its objection to Mr Duterte’s request to waive his right to appear at the confirmation hearing. Mr Duterte is not entitled to unilaterally excuse himself from attending the proceedings in-person,” pagsisimula nila.
'VP Sara, bawas-bawasan pagiging Sara the explorer!'—Usec. Castro
Dagdag pa nila, “It is ultimately for the Chamber to decide ‘whether there is cause’ to hold the confirmation hearing in the absence of the suspect…”
Anang ICC, nabigo raw si FPRRD na maglatag ng mga rason para i-waive ang kaniyang karapatang dumalo sa nasabing pagdinig at dahil na rin umano sa sinabi nitong na-kidnapped siya noon na isa raw malaking kasinungalingan.
“In his Request, Mr Duterte fails to provide any compelling reason that would justify the confirmation hearing being held in his absence. Mr Duterte primarily seeks to waive his right to appear on the basis that he does not “recognize the jurisdiction” of the Court, states that he was “kidnapped”, and claims that the charges against him constitute “an outrageous lie” invented by his political opponents…” saad nila.
Pagpapatuloy pa ng ICC, “fit,” “competent,” at kaya raw dumalo ni FPRRD sa nakatakdang pagdinig dahil nabusisi o napag-aralang mabuti ang kalagayan nito.
“Mr Duterte is fit, competent, and physically and mentally able to attend the hearing in person. The state of Mr Duterte’s health has been comprehensively examined and litigated before this Chamber…” ‘ika nila.
Sa kabuuan, buong galang daw na hindi tinatanggap ng ICC ang naturang apela ni FPRRD dahil wala raw itong makatuwirang dahilan para hindi dumalo sa pagdinig.
“The Prosecution respectfully requests that the Chamber reject Mr Duterte’s request to waive his right to appear at the confirmation hearing. There is no reasonable cause for Mr Duterte not to appear in person in court at the confirmation hearing,” pagtatapos pa nila.
Samantala, habang sinusulat ito, wala pa namang inilalabas na tugon, reaksyon, o pahayag ang kampo ng dating pangulo kaugnay rito.
Maaaring mabisita at mabasa ang dokumento ng ICC sa link na ito: https://www.icc-cpi.int/court-record/icc-01/21-01/25-386-red
KAUGNAY NA BALITA: ‘I am old, tired and frail!’ FPRRD, nanindigang ‘di sisipot sa confirmation of charges hearing ng ICC
KAUGNAY NA BALITA: Dela Rosa, Go, atbp., co-perpetrators sa war on drugs ni FPRRD—ICC
Mc Vincent Mirabuna/Balita
