Nakipagtulungan ang Department of Education (DepEd) sa isang fast food chain para sa pagpapalawig ng Senior High School (SHS) curriculum at pagbibigay-solusyon sa kakulangan ng mga silid-aralan sa bansa.
Sa pangunguna ni DepEd Secretary Sonny Angara at Jollibee Group Philippines Chief Executive Officer and Jollibee Brand Global Head Joseph Tanbuntiong, ang kolaborasyong ito ay magpapatupad ng Quick Service Restaurant (QSRt) sa kurikulum ng SHS at pagpapatayo ng 50 bagong classroom sa Mindoro, Cebu, at Sarangani bago matapos ang taong 2028, bilang parte ng ika-50 anibersaryo ng korporasyon.
“This partnership with the Jollibee Group is a strong example of how public-private cooperation can bring industry-relevant learning into the classroom. At a time when AI and tech disruption are reshaping industries and jobs, this collaboration gives our learners not only the right skills but also the resilience to thrive,” saad ni Angara.
“The commitment to build 50 new classrooms by 2028 also shows how this partnership invests in both knowledge and space, ensuring that more Filipino students are equipped for the future of work,” dagdag pa niya.
Pwersahang pagtanggal sa lider ng isang bansa, ikinabahala ni Sen. Imee
Sinegundahan naman ito ni Tanbuntiong sa pagbabahagi na layunin ding masolusyonan ng partnership na ito ang kasalukuyang pagsubok ng mga estudyante sa ilang parte ng bansa sa pagkakaroon ng maayos na edukasyon.
“In many parts of the country, teachers and students continue to face challenges that can make learning more difficult. And then there’s the gap between school and work that leaves many students underprepared for employment. As a company whose purpose is to spread joy, we believe we have the opportunity to help change these through the partnership with DepEd,” aniya.
Sa nasabing partnership na ito, ang DepEd at Jollibee Group ay bubuo ng QSR curriculum para sa estudyanteng nasa SHS sa ilalim ng Technical Professional (TechPro) track.
Ang QSR curriculum ay aarangkada sa mga eskwelahan sa bansa kung saan paghahaluin ang classroom-based instruction at immersive on-the-job training sa mga Jollibee Group brands, layunin nitong maturuan ang mga estudyante ng mga restaurant operation skills tulad ng food preparation, customer service, safety and sanitation, at business communication.
“We believe in creating more pathways for young Filipinos to achieve meaningful employment, by investing in their skills early on, we also help raise the standards of service in the QSR sector,” pagbabahagi ni Jollibee Group Philippines Chief Human Resources Officer Ruth Angeles.
Sisimulan ang work immersion sa paparating na school year 2026-2027 , sa ilang eskwelahan sa bansa. Ang magiging resulta ng mga pilot testing na ito ay patuloy na pagbubutihin bago ilunsad sa iba pang eskwelahan.
Sa kabilang banda, 6 na silid-aralan naman ang unang itatayo sa Mindoro, Cebu, at Sarangani na sisimulan sa 2026.
Sean Antonio/BALITA
