Arnie Teves, isinugod sa ospital

By Nicole Therise Marcelo

June 17, 2025

In BALITA

Isinugod sa ospital si dating Negros Oriental 3rd District Rep. Arnolfo “Arnie” Teves Jr. ayon sa kaniyang abogado na si Atty. Ferdinand Topacio.

Ayon kay Topacio, isinugod sa ospital si Teves nitong Martes ng umaga, Hunyo 17, dahil sa sobrang pananakit ng tiyan.

“He has been complaining of severe stomach pains since midnight last night, but was given medical attention at 5 in the morning,” aniya.

Gayunman, hindi isiniwalat ni Topacio kung saang ospital dinala si Teves para na rin daw sa seguridad nito.

Matatandaang kinumpirma ni Pangulong Bongbong Marcos, Jr. noong Mayo 29 na nasa Pilipinas na si Teves matapos ang tatlong taong pagtatago sa Timor-Leste.

BASAHIN: PBBM, kinumpirmang nasa Pilipinas na si Arnie Teves

KAUGNAY NA BALITA: Arnie Teves, binasahan ng Miranda Rights habang nasa eroplano

Inaresto ng Timor Leste si Teves noong Mayo 27 matapos ang kaniyang ilang taong pagtatago bunsod ng alegasyong siya ang mastermind sa umano’y pagkasangkot sa pagpaslang kay Negros Oriental Gov. Roel Degamo, kasama ng walo pang sibilyang nadamay, noong Marso 4, 2023.

KAUGNAY NA BALITA: Axl Teves iginiit na kinidnap, inabuso ang ama niyang si Arnie Teves

MAKI-BALITA: Teves, isa sa mga tinitingnang mastermind sa pagpaslang kay Degamo - Sec Remulla

Sino-sino nga ba ang 16 na abogadong dedepensa kay VP Sara sa impeachment trial?

Hindi isa, dalawa, o tatlo kundi 16 na abogado ang dedepensa para kay Vice President Sara Duterte sa impeachment trial nito. Nitong Lunes, Hunyo 16, ibinahagi ni Senate impeachment court spokesperson Reginald Tongol ang kopya ng Appearance – Ad Cautelam kung saan nakasaad dito na ang 16 na abogado ni Duterte ay manggagaling sa Fortun Narvasa & Salazar law firm.“The undersigned Firm and the...

Pet food daw! BOC, nasamsam ang higit ₱5M-halaga ng 'party drugs'

Nasamsam ng Bureau of Customs (BOC) ang mahigit ₱5 milyong halaga ng 'party drugs' na nakadeklara bilang pet food sa Port of Clark sa Pampanga. Ayon sa BOC nitong Lunes, Hunyo 16, nasamsam ng awtoridad ang 3,004 piraso ng ecstasy tables, na kilala rin sa tawag na 'party drugs,' na nagkakahalagang ₱5126,350.00.Ang naturang party drugs ay mula pa sa Paris, France at...

Romualdez, kinondena tensyon sa Middle East; seguridad ng mga Pinoy, pinatututukan

Nanawagan si House Speaker Martin Romualdez sa international community maging sa ahensya ng pamahalaan tungkol sa lumalalang sigalot sa Middle East.Sa kaniyang pahayag nitong Lunes, Hunyo 6, 2025, nangalampag si Romualdez sa Department of Foreign Affairs (DFA) at Department of Migrant Workers (DMW) na patuloy na makipag-ugnayan sa pamahalaan ng Lebanon, Israel at Jordan para sa mga Pilipinong...