DSWD, nagbabala vs ‘scam’ hinggil sa New Year's gift

By MJ Salcedo

December 28, 2023

In BALITA

Nagbabala ang Department of Social Welfare and Development (DSWD) sa publiko laban sa mga kumakalat sa social media na nagsasabing mamamahagi umano ang ahensya ng “New Year’s gift” sa mga sasagot sa isang survey questionnaire.

“Huwag paloloko! Hindi totoo ang kumakalat na link sa Messenger na ang DSWD ay namamahagi ng New Year's gift sa pamamagitan lamang ng pagsagot sa isang survey questionnaire,” babala ng DSWD sa isang Facebook post nitong Huwebes, Disyembre 28.

“Huwag magpalinlang sa mga posts o link kung hindi ito galing sa official Facebook page ng DSWD,” dagdag nito.

Binanggit naman ng ahensya ang kanilang opisyal na social media accounts, tulad ng Facebook: @dswdserves (Department of Social Welfare and Development), X (dating Twitter): @dswdserves (www.twitter.com/dswdserves), YouTube: @dswdserves (www.youtube.com/dswdserves), Instagram: @dswdphilippines (www.instagram.com/dswdphilippines) at website: www.dswd.gov.ph.

“Kilatising mabuti at i-verify muna ang mga nababasa online. Huwag basta-basta maniwala sa mga content na hindi nanggaling sa credible at reliable source,” anang DSWD.

“Sama-sama tayo sa paglaban sa mga maling impormasyon dahil sa DSWD, bawal ang fake news,” saad pa nito.

Asawa ng mastermind sa pagpatay sa mag-asawang online seller, nagpadala raw ng lechon bago ang krimen?

Bukod umano sa pagdalaw sa burol ng pinatay na mag-asawang online seller, nagpadala raw muna ng lechon belly ang umano'y asawa ng mastermind, ayon umano sa kapatid ng biktima.Sa Facebook post ni Leslie Lulu Manabat nitong Miyerkules, Oktubre 16, ibinahagi niya na hindi raw niya kinaya ang pagpunta umano ng asawa ng umano'y mastermind sa burol ng mga biktimang sina Arvin at Lerma Lulu,...

Mastermind sa pagpatay sa mag-asawang online seller, kumpare raw ng mga biktima

Arestado na ang umano'y mastermind sa pagpatay mag-asawang online seller sa Pampanga at lumalabas na kumpare pa siya 'di umano ng mga biktima. Matatandaang noong Oktubre 4 nang tambangan ng riding-in-tandem sa Mexico, Pampanga ang sasakyan ng mag-asawang sina Arvin at Lerma Lulu.Kasama nila ang anim na taong gulang nilang anak at isang kamag-anak nang mangyari ang insidente.Ayon sa...

Pag-imbestiga ng Senado sa drug war ni ex-Pres. Duterte, magandang ideya – Pimentel

Ipinahayag ni Senador Koko Pimentel na isang “magandang ideya” na imbestigahan din ng Senado ang madugong giyera kontra ng adminitrasyon ni dating Pangulong Rodrigo Duterte.Sa isang text message nitong Martes, Oktubre 15, na inulat ng Manila Bulletin, sinabi ni Pimentel na bagama’t “optional” lamang, isang magandang ideya umano kung magkakaroon ng parallel investigation ang Senado sa war...