Inihayag ni “Asia’s King of Talk” Boy Abunda kung gaano siya ka-proud sa aktor na si Joross Gamboa sa panayam nito sa “Fast Talk with Boy Abunda” nitong Martes, Setyembre 12.

Naalala kasi bigla ni Tito Boy ang napanalunang award ni Joross sa isang pelikula na siya ang nag-produce.

“I’m really proud because you’ve been winning award. I remember…I produced the film. Intoy Syokoy ni JM…You won best supporting actor there,” sabi ni Tito Boy.

Pero pag-amin ni Tito Boy, ayaw umano niyang i-cast noon si Joross.

National

Tinapyasang budget ng opisina ni VP Sara, ‘di na dapat baguhin – Sen. Risa

“Naalala ko pa ‘yung una kong reaksiyon. Si Joross ‘yung kina-cast nila. Sabi ko, ayaw ko. Ang gulo-gulo niyan, e.”

Nagsisisi naman daw si Tito Boy sa huli. Sa katunayan, humingi pa umano ng apology si Tito Boy.

“At nagsisi ako, at nag-apologize ako sa maraming tao. Sabi ko, I misread Joross.”

Ang ‘Intoy Syokoy ng Kalye Marino’ ay mula sa award-winning short story ni Eros Atalia na in-adapt ni Lem Lorca bilang pelikula sa Cinemalaya noong 2012. Kasama ni Joross sa nasabing pelikula sina JM De Guzman at LJ Reyes.