Lumalapit na sa Final 4 ang Ateneo Blue Eagles matapos gulantangin ang Far Eastern University (FEU) Tamaraws, 71-65, sa UAAP Season 85 men's basketball tournament sa Mall of Asia Arena nitong Linggo.
Hawak na ng Tamaraws ang 18 puntos na bentahe sa first half. Gayunman, rumatsada ang Blue Eagles sa third quarter hanggang sa tuluyang matalo ang FEU.
Pinatunayan niAnge Kouame ang pagiging most valuable player nito matapos kubrahin ang 20 puntos, at 14 rebounds.
Umagapay din kay Kouame si Forthsky Padrigao na nakaipon ng 13 puntos, anim na assists at limang rebounds.
Romualdez, nanawagan sa Kamara: 'Let us reject baseless accusations!'
Hawak na ng Blue Eagles ang rekord na 8-3, panalo at talo, habang nalaglag sa 4-8 ang FEU.
Sa Miyerkules, sasagupain din ng Ateneo ang University of the East habang kakalabanin naman ng Tamaraws ang Adamson University.
