Kumakalat ang tsikang mag-oober da bakod na raw ang Kapamilya actor na si Jake Cuenca sa GMA Network.
Mismong si Jake na ang nag-debunk nito matapos niyang ibahagi sa kaniyang Instagram story ang screengrab ng balitang kabilang siya sa cast ng action series na "Iron Heart" na pinagbibidahan ni Richard Gutierrez, Sue Ramirez, at nagbabalik-Kapamilyang si Maja Salvador, na napapanood din bilang freelance artist sa "Eat Bulaga" at "Oh My Korona", sitcom sa TV5.
Basahin: https://balita.net.ph/2022/09/28/maja-salvador-kumpirmadong-kabilang-sa-iron-heart-kasama-sina-richard-gutierrez-sue-ramirez/">https://balita.net.ph/2022/09/28/maja-salvador-kumpirmadong-kabilang-sa-iron-heart-kasama-sina-richard-gutierrez-sue-ramirez/
Nilangkapan pa ni Jake ng text caption na "16 years Kapamilya Strong" with matching heart emojis na may iconic colors ng ABS-CBN ang kaniyang IG story.
4.5-magnitude na lindol, yumanig sa Surigao del Norte
Ibinahagi rin ito ng aktor sa kaniyang Twitter account.
Nagpasalamat din si Jake sa mga netizen na pinupuri ang kaniyang loyalty sa kaniyang home network, na hindi niya iniwan sa kabila ng pagkawala ng prangkisa nito. Deserve na deserve umano ng aktor kung hindi siya nababakante dahil sa pagiging loyal nito.
In fairness naman kay Jake, simula nang lumipat siya sa ABS-CBN mula sa GMA Network noong 2006 ay hindi na siya nababakante ng magagandang roles at proyekto.
Ang huling teleseryeng kinabilangan ni Jake ay "Viral Scandal" na pinagbidahan nina Charlie Dizon, Joshua Garcia, at Dimples Romana.
Bukod sa Iron Heart, kabilang din siya sa ABS-CBN International production na "Cattleya Killer" na pagbibidahan naman ni Arjo Atayde.
Kapamilya strong talaga si Jake dahil kabilang siya sa mga nag-renew ng kontrata sa network at Star Magic noong Pebrero 2022.
Basahin: https://balita.net.ph/2022/02/24/kapamilyastrong-11-stars-nag-renew-ng-kontrata-sa-abs-cbn/">https://balita.net.ph/2022/02/24/kapamilyastrong-11-stars-nag-renew-ng-kontrata-sa-abs-cbn/
