ni Nitz Miralles

TINUPAD ni Sharon Cuneta ang ipinangako sa in-adopt na aspin na pinangalanan niyang Pawi na bibigyan niya ito ng buhay na mala-prinsipe. Hindi agad inuwi ni Sharon ang bagong alaga, iniwan muna sa Olongapo para gamutin sa mga sakit at kapag magaling na, saka ihahatid sa kanya.

Ellen Adarna, nag-face reveal ng baby girl nila ni Derek Ramsay

Habang wala pa sa kanya si Pawi, binilhan na niya ito ng Louis Vuitton collar na in-order pa ni Sharon sa Italy. Pinost nito sa kanyang Instagram ang LV collar at comment tuloy ng netizens, mabuti pa ang aso, makakapagsuot ng LV, samantalang sila walang pag-asang magka-LV. Hahaha!

Nakita ni Sharon si Pawi nang mag-shooting siya ng Viva Films movie na Revirginized sa Olongapo. Naaliw siya nang lumapit sa kanya ang aso at hindi na nawala sa kanyang isip, hanggang maisipang i-adopt na lang.

Marami ng aso sina Sharon at pangako nito, kapag nakalipat na sila sa ipinapagawang malaking bahay sa Cavite, mag-a-adopt pa siya ng maraming aspin