Aabot na sa 150 kawani ng Department of Social Welfare and Development (DSWD) ang positibo sa coronavirus disease 2019 o COVID-19.

Ito ang ibinunyag ng DSWD, karamihan sa mga positibong kaso ay mula sa ilang field office at central office ng ahensya.

“Nakalulungkot nga po at marami na rin tayong mga kawani na naapektuhan ng COVID-19. Bagamat patuloy pa rin ang isinasagawa nating pagbigay ng ayuda, gayundin po ang ibang serbisyo at programa ng DSWD,” pahayag ni DSWD director at spokesperson Irene Dumlao.

Gayunman, sa nasabing bilang, nasa 57 na naman ang nakarekober habang patuloy na nagpapagaling ang iba pa.

Probinsya

Binatilyong nanonood ng liga, patay matapos makuryente sa poste ng basketball ring

“‘Yung mga kawani natin na nag-test positive sa COVID-19 ay kinabibilangan ng nagpapahatid ng social amelioration program, gayundin po ‘yung mga kawani nating tumutulong sa pag-assess sa mga kliyente na humihingi ng assistance sa crisis situation, at humahaligi sa pagtugon ng pangangailangan ng locally stranded individuals,” ayon kay Dumlao.