PINAGHARIAN ni International Master Ronald Dableo ang katatapos na 3rd Baby Uno Online Chess Tournament Biyernes ng gabi sa lichess.org.
Ang dating Asian Zonal champion na si Dableo ay naka-kolekta ng 13.5 points mula 13 wins, one draw at one loss para magkampeon sa 15-round tournament na sinuportahan nina Seaman Chief Engr. Julio V. Trunio Jr., PECA president Dr. Fred Paez, Auckland New Zealand based Mr. Jun Isaac, Jubail Kingdom of Saudi Arabia based Mr. Jimmy Reyes, Former NCFP Director Ed Madrid, Dr. Jenny Mayor, Mr. Ron Demain, sportsman Kim Zafra, Mr. Mc Daniel "Danilo Oabe" Ebao at ng Pretty Zada Skincare Product.
Magugunita na si Dableo ay nakuha na ang kinakailangan na three GM norms at dapat mapataas ang kanyang 2407 FIDE elo rating (standard play) tungo sa 2500 para ma complete ang kanyang GM title status.
Si Dableo na tumulong sa Philippine Army chess team para sa over-all championships sa AFP-PNP Olympics at head coach ng UAAP chess champion University of Santo Tomas chess team kasama si coach Peter Lim.
VP Sara sinabing si Romualdez ang gustong pumatay sa kaniya
Nakamit naman ni National Master (NM) Ronald Llavanes na ipinagmamalaki naman ng Philippine Airforce chess team came ang ika-2 puwesto na may 11.5 points na sinundan naman ni third placer dating Adamson University stalwart Jerome Villanueva na may 11 points.
Magkasalo naman sina Woman National Master (WNM) Francois Mariel Magpily ng University of Santo Tomas chess team at Jasper Faeldonia ng Arellano University chess team ang 4th to 5th plaxe na may tig 10.5 points sa blitz event na sinuportahan din ng Philippine E-9 Chess Club sa South Korea na pinangunahan nina Mr. Jun Jun Jabay, Mr. Norwin Altez Marasigan, Mr. Ruel Gomez, Mr. Recca Carcueva, Mr. Don Ken Calendario at Mr. Lando Balao Jr.
Inorganisa ng Bayanihan Chess Club sa gabay nina AGM Marlon Bernardino at Mr. Genghis K. Imperial sa pakikipagtulungan ni Lay out Artist Mr. Arjie Bayangat.
