ISANG batikang direktor ang bumalik sa pagdidirek ngayon na ‘naloka’ sa isang aktres na kasama sa pelikula dahil hindi pa siya sumisigaw ng ‘action’ ay umarte na kaagad na nu’ng una ay inakalang rehearsal lang, totohanang acting na pala.
Kuwento mismo ng staff ng production ng pelikulang ginagawa ng batikang direktor, “nagbibigay ng instruction si direk kay (aktres) kung ano ang gagawin at sasabihin, puro ‘okay po, direk, noted’ ang sabi nya.
“Si direk papunta na sa puwesto niya, itong si (aktres), hindi namin alam kung nire-rehearse niya ang sarili niya habang papunta si direk sa monitor kasi umaarte na, napansin ni direk at tinanong, sabi ni (aktres), okay na po direk, sinunod ko na sinabi mo.
“Naloka si direk, tinanong niya si (aktres), ‘nag-action na ba ako?’ Hayun, nagkagulatan sa set.
Ogie Diaz, pinag-iingat guwapong aktor na mahilig humarot ng chicks
“Hayun, pagkatapos pagalitan, pinauwi na. Si (aktres), hayun umiiyak na umalis sa set.”
Nanghinayang kami sa aktres na kasama sa pelikula ng batikang direktor dahil bihira pa naan siyang gumawa ng pelikula at kapag gumawa naman ay laging maraming nakukuhang award at inilalaban pa sa ibang bansa.
Hindi kaya inatake ng nerbyos ang aktres? Lalo’t sikat at guwapo ang bida sa pelikula?
-Reggee Bonoan
