Mga Laro Ngayon
(Filoil Flying V Center)
12:00 n.t. -- Perpetual vs St. Benilde
2:00 n.h. -- San Beda vs Mapua
VP Sara sinabing si Romualdez ang gustong pumatay sa kaniya
4:00 n.h. -- EAC vs Lyceum
PORMAL na maselyuhan ang isa sa Top 2 spot sa Final Four round ang tatangkain ng reigning three-peat champion San Beda University sa pagsalang kontra Mapua University ngayon sa second round ng NCAA Season 95 Men's Basketball Tournament sa Filoil Flying V Center sa San Juan City.
Muling magtutuos ang Red Lions at ang Cardinals ganap na 2:00 ng hapon kung saan tatangkain ng una na makopo ang ika-16 na sunod nilang panalo sa pamamagitan ng tangkang pagduplika sa 69-60 nilang panalo dito noong Setyembre 6.
Sa panig naman ng Mapua, sisikapin nitong masilat ang SBU upang makabalik sa win column kasunod ng naging kabiguan sa Lyceum sa nakaraan nilang laro upang patuloy na buhayin ang pag-asang makaabot ng Final Four.
Mauuna rito, magtutunggali naman ang University of Perpetual at ang College of St. Benilde ganap na 12:00 ng tanghali.
Gaya ng sinusundan nilang Mapua (7-7), hangad din ng Blazers (6-7) na mapalakas ang tsansang makahabol sa Final Four.
