GINAPI ng SMDC-NU ang Wangs Basketball, 102-71, para mapatalsik sa 2019 PBA D-League playoff race kahapon sa JSCGO Gym sa Cubao.
Tuluyang kumawala ang Bulldogs sa bungad ng final period kung saan ipinoste nila ang pinakamalaking bentahe sa laro na 32-puntos sa iskor na 88-53, kasunod ng isang lay-up ni Shaun Ildefonso.
Pinangunahan ng kanilang Senegalese center na si Issa Gaye ang naturang panalo ng Bulldogs sa itinala nitong 13 puntos at 9 na rebounds kasunod si Niko Abatayo na may 12 puntos at Dave Ildefonso na may 11 puntos.
“Good thing is we’re finishing strong and that’s a great sign for us. We’re playing better defense, moving the ball well, and the roles are being defined better,” pahayag ni coach Jamike Jarin.
Volleyball fans may bagong aabangan sa PVL!
“I’m happy with the way we performed, but I hope it could’ve come a little bit earlier.”
Dahil sa panalo, nagtabla sa markang 3-5 ang dalawang koponan sa Foundation Group.
Bumagsak ang Couriers na pinamunuan ni Denzel Wong na may 17 puntos sa ika-apat na dikit nilang talo.
-Marivic Awitan
