UMIGPAW ang Diliman College Blue Dragons at Pasig Catholic College sa magkahiwalay na laro para makausad sa quarterfinals ng 16th Fr. Martin Cup Division 2 basketball tournament.
Kumubra si Kevine Gandjeto ng 20 puntos para sandigan ang Blue Dragons kontra Letran Knights, 92-87, para sa ikalimang sunod na panalo sa Group A ng senior division nitong weekend sa La Consolacion College of Manila gymnasium sa Mendiola.
Ginapi naman ng PCC ang University of Perpetual Help-Molino, 88-84, sa playoff para sa nalalabing slots sa Group B.
Magtutuos ang Blue Dragons at PCC Seagulls sa quarterfinals na magsisimula sa Sabado, ayon kay Commissioner Robert de la Rosa.
Elasto Painters, nakabawi sa Beermen matapos ang 11-game losing streak; June Mar, nabutata!
Umusad din sa quarterfinals ang La Salle Green Archers, La Consolacion College-Manila Blue Royals, Letran Knights, National University-B Bullpups, Arellano University Chiefs at Pamantasan ng Lungsod ng Muntinlupa(PLMUN) Marshalls.
