Ni Reggee Bonoan
MISTULANG nagpa-seminar tungkol sa pagpili ng tamang kulay ng lipstick at tamang pagkikilay si Kris Aquino sa blogcon ng “Ever Bilena unveils Kris Life Kits” sa La Vita at Marina Bay, Seaside Boulevard, Pasay City kamakailan, dahil isa-isa itong itinuro ng Queen of Online World and Social Media sa mga guest.
Itinuro rin ni Kris ang tamang pagguguhit ng kilay, dahil ayon mismo sa kanya, “kilay is my life.”
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Nagkatawanan nga ang lahat nang ikinuwento ni Kris na kahit daw matutulog na sila ay kailangang nakakilay pa siya.
Paliwanag niya, sakaling magkaroon ng emergency at biglaang mapalabas siya ng bahay na nakapantulog ay okay lang, basta maganda ang kilay niya.
Long-term relationship ang terminong ginamit ni Kris sa collaboration niya sa Ever Bilena, dahil binigyan-laya siya sa sarili niyang make-up line, tulad sa pagpili ng kulay ng led-free lipstick na talagang tinest pa niya for safety, tested color saturation, recommended scents, at maging ang packaging ay siya ang pumili.
“I love the fact that I’m getting to work with the second generation because Denise (Sy) gets it. She studied in Berkeley (California, USA), she really understands the market, memorizes all their products and she knows the importance of social media and she knows that for a product to work, the person its named after or has to be really super involved and I’m so appreciative that they trusted me this much because, we already established a relationship in just six months that I know gaano kalaki ang invest nila and it’s not a joke,” sabi ni Kris.
“I’m not just only an endorser but I’m also a stakeholder in this, so it’s really a long-term relationship. I’m super-duper (happy). “
Para sa kaalaman ng lahat, ang laging gamit ni Kris sa pagkikilay ay ang Matte Brow Liner at Brow Mascara, na Happy Taupe (light brown), at Beyond Brown (dark brown).
Sa lipstick naman, gamit lagi ni Kris ang Kris Matte Matic Lipstick, na may dalawang kulay, Life-pink at Love-red.
Mayroon ding liquid form ng mga ito.
Pagkatapos ng lipstick at kilay session, siyempre pa ay hindi naiwasang hindi tanungin ang surprised visit ni Kris sa 50th birthday party ni Quezon City Mayor Herbert Bautista nitong Mayo 23.
Pero tikom ang bibig ng “best friend” ni Mayor Bistek, “I promised to myself na I won’t say anything. I’ve changed,” sabi ni Kris.
Pero giit ng mga nagtatanong, nag-post naman si Kris sa IG stories niya tungkol sa kanila ni Bistek.
“Totoo, e. Kasi whatever I posted there, that’s the truth, that was it. And I think I’ve already shared more than enough kasi I’ve learned from life that if you want less people giving an opinion, say less,” katwiran ni Kris. “I promised myself hindi ko pag-uusapan so I won’t jinx it. I’ve changed.”
