LIAN, Batangas - Patay ang dalawang hinihinalaang drug pusher habang nakatakas ang isa pa matapos umano silang makipagbarilan sa mga pulis sa isang buy-bust operation sa Lian, Batangas, nitong Linggo ng gabi.
Ang mga n a p a t a y a y nakilalang sina Paolo Macalindong Villapando, ng bayan ng Lian; at Nelson Alab, ng Nasugbu, Batangas.
Dakong 10:45 ng gabi nang mangyari ang insidente sa Barangay Matabungkay, Lian, ayon sa Batangas Police Provincial Office (BPPO).
Nang maramdaman umano na mga pulis ang katransaksiyon ay tumakbo at nagpaputok umano ng baril ang mga suspek, kaya ginantihan sila ng mga tauhan ng Provincial Intelligence Branch (PIB) ng Nasugbu Police at Lian Police.
6 dayuhang nagsasagawa ng medical mission sa Leyte, ninakawan!
Binawian na ng buhay ang dalawang suspek nang maisugod sa Apacible Memorial District Hospital, sanhi ng mga tama ng bala ng baril sa katawan.
Labing-tatlong plastic sachet ng hinihinalang shabu ang narekober umano sa mga suspek, bukod pa ang dalawang .38 caliber revolver at marked money.
-Lyka Manalo
