Ni Mary Ann Santiago
May 25 drug suspect ang naaresto ng mga tauhan ng Manila Police District (MPD) sa serye ng anti-drug operations na inilunsad sa iba’t ibang lugar sa lungsod, nabatid kahapon.
Sina Alejandro Uson, 60, tricycle driver, ng Sampaloc; at Ricky Tolentino, 49, nursing aid, ng Galas, Quezon City, ay nadakip dakong 1:00 ng hapon nitong Linggo, sa Barangay 581, Zone 57 sa Sampaloc, habang nagpa-pot session umano sa Gerardo Street. Nakumpiska mula sa kanila ang drug paraphernalia.
Nadakip naman ng mga tauhan ng MPD-Station 5 sina Cecille Olete, 33; at Ronel Caparas, 32, miyembro ng Batang City Jail, sa kanilang bahay sa Old Site, Baseco Compound, dakong 1:45 ng hapon, at nasamsaman umano ng dalawang pakete ng hinihinalang shabu.
#WalangPasok: Class suspensions ngayong Biyernes, Sept. 20
Dakong 11:30 ng gabi naman nang maaresto sa Pedro Gil Street sa Paco si Mervile Villahermosa, 28, estudyante, ng Benitez Street, at nakumpiskahan umano ng apat na plastic sachet ng marijuana.
Pagsapit naman ng 11:45 ng gabi ay naaresto rin sa F. Varona Street, Tondo, sina George Relocano, 39; Regner Pangilinan, 22; Joven Romualdez, 18; Ronnie Boy Abao, 41; Ramon Sumabat Jr., 45; Rex Perochu, 56; Maricel Perochu, 40; Jennylyn Quilantang, 27; Jerry Enrique, 52; at Ricardo Padre, 48, pawang taga-Tondo.
Nakumpiskahan umano sila ng 10 plastic sachet ng hinihinalang shabu.
Sa pot session naman sa tuktok ng Smokey Mountain sa Tondo nadakip ng mga tauhan ng MPD-Station 1, dakong 11:30 ng gabi ng Sabado, sina Myla Imutan, 35; Manolo Romero, 46; Rodelio Dionisio, 28; Robert Gomez, 32; Danilo Mercado, 46; Humberto Javier, 22; Alvin Masorca, 20; Rogelio David, 37; Aristotle Sambile, 36; at Leila Punay, 35 anyos.
