Ni Leandro Alborote
TARLAC CITY - Hindi na natiis ng isang ginang ang pagmamaltrato sa kanya ng sariling mister sa loob ng tatlong taon kaya nagreklamo na siya sa pulisya sa Tarlac City, nitong Sabado ng hapon.
Isinalaysay ni Isay (hindi tunay na pangalan), 25, ng Barangay San Isidro, Tarlac City, sa Women and Children’s Protection Desk (WCPD) ng Tarlac City Police, ang mapait na karanasan niya sa 28-anyos na asawa.
Sinabi ng ginang na nagsimula ang insidente noong Enero 2015 hanggang ngayong buwan ng Abril.
Probinsya
Tinatayang 132,000 pamilya, lumikas sa Eastern Visayas dahil sa super typhoon Pepito
Aniya, hindi lamang pisikal na pananakit ang inaabot niya sa asawa, kundi pati na rin pang-iinsulto at iba pang masasakit na salita laban sa kanyang pagkatao.
Inihahanda na ng pulisya ang kaukulang kaso laban sa suspek.
