Ni Lyka Manalo
CALATAGAN, Batangas - Nasawi ang isang apat na taong gulang na lalaki at isang binata matapos umanong malunod sa magkahiwalay na lugar sa Batangas, nitong Sabado ng hapon.
Dead on arrival sa Calatagan Medicare Hospital si Kristoffer Arc Awa, ng Don Carlos Village, Pasay City.
Nadiskubre sa report ng Batangas Police Provincial Office (BPPO), na dakong 2:15 ng hapon nang matagpuang nakalutang sa infinity pool ng Stilts Beach Resort sa Barangay Sta. Ana ang bangkay ng bata.
6 dayuhang nagsasagawa ng medical mission sa Leyte, ninakawan!
Nalunod din umano ang 20-anyos na si Antonio Lacambra, on-the-job trainee sa isang kumpanya ng kotse sa Laguna, ng San Pedro City, Laguna.
Dakong 12:20 ng hapon at naglalakad umano ang biktima kasama ang mga katrabaho nang biglang mawala ito sa grupo at nang matagpuan ay nakalubog na sa dagat.
