WINALIS!-Balita

Koronasyon ni Oranza sa Ronda ngayon; Navymen kampeon

CALACA, Batangas – Tinanghal na ‘King of the Mountain’ si Junrey Navara at naisakatuparan ng Navy-Standard Insurance ang kampanyang ‘sweep’ sa individual classification ng 2018 LBC Ronda Pilipinas.

At wala ring kawala ang overall team championship.

Pinatunayan ni Navara ang katatagan sa akyating ruta nang angkinin ang ikalawang sunod na stage victory nang pagbidahan ang 92.72km Stage 11, habang semugunda ang kasangga at red jersey leader na si Ronald Oranza para pormal na angkinin ang titulo na may kaakibat na P1 milyon at halagang P300,000 na prangkisa ng Boy Kanin sa 12-stahe cycling marathon na itinataguyod ng LBC, sa pakikipagtulungan ng MVP Sports Foundation, Filinvest, Philippine Rabbit, CCN, Petron, Versa.ph, 3Q Sports Event Management, Inc., Boy Kanin, Franzia, Standard Insurance, Bike Xtreme, SH+, Guerciotti, Prolite, Green Planet, Maynilad, NLEX Sports, Lightwater, LBC Foundation at PhilCycling.

Nailista ni Navara, 26, ang tyempong 2:28:13 para masundan ang matikas na panalo sa Tagaytay-Calaca Stage 10 nitong Biyernes para makamit ang ikaapat na KOM title at masungkit ang No.3 mula sa No. 5 sa overall individual race.

Nakabunto si Oranza sa tyempong 2:28:13, sapat para mapanatili ang kapit sa liderato na may kabuuang oras na 32:43:13. Mistulang pormalidad na lamang sa kanyang koronasyon ang magiging tema ng Stage 12 criterium ngayon sa Filinvest, Alabang.

Nasa ikalawang puwesto si two-time defending champion Jan Paul Morales na hawak ang kabuuang oras na (32:54:49)

“Medyo nararamdaman ko na ang excitement. Masaya ang pakiramdam ko, kahit second place lang ako ngayon,” sambit ng 25-anyos na si Oranza.

“I guess this is the product of our training here and abroad,” pahayag ni Oranza, semugunda kay Morales sa nakalipas na taon.

Nasa ikatlong puwesto si Navara na may 4:37 minuto ang layo kay Oranza.

“Mountain climbing is my favorite,” sambit ni Navara.

Nasa No.4 si George Oconer ng Go for Gold (33:10:00) habang No.5 si John Mark Camingao (33:10:53). Kasama sa top 10 sina Pfc. Cris Joven ng Philippine Army-Bicycology (33:13:06), Go for Gold’s Boots Ryan Cayubit (33:15:35), Navy’s El Joshua Carino (33:17:05), Go for Gold Developmental team’s Jay Lampawog (33:19:48) at Navy’s Rudy Roque (33:21:37).

Naibulsa rin ng Navymen ang titulo sa team classification sa kabuuang oras na 129:20:35 kasunod ang Army-Bicycology Shop (31:03:19O at Go for Gold Developmental team (131:06:26).

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...