Nakarating sa kaalaman ng dating senatorial candidate at founder ng isang kilalang review center ang tungkol sa viral Licensure Examination for Teachers (LET) examinee na naglabas ng hinanakit sa social media matapos umano siyang hindi pahintulutang makapag-exam sa Koronadal City dahil na-late siya nang apat na minuto, dahil sa kaniyang notice of admission (NOA).
Sa kaniyang Facebook post noong Marso 15, ikinuwento ni "Rasiya EB" na pinaghanap siya ng panibagong kopya ng kaniyang NOA matapos mapansing 2025 ang nakasaad sa una niyang naipakita.
Dahil dito, napilitan siyang lumabas ng testing venue upang magpa-print ng updated na dokumento.
Subalit pagbalik umano niya sa testing site, hindi na siya pinayagang pumasok dahil lampas na siya sa itinakdang oras at itinuturing nang huli o late (apat na minuto).
Sa isa pang Facebook post, nilinaw ng LET examinee na wala siyang layuning siraan ang Professional Regulation Commission (PRC)-Koronadal dahil sa kaniyang emosyunal na video.
‘Okay ka lang?’ Mga paraan upang ‘mangumusta’ sa kaibigan o katrabaho
Nilinaw rin niyang isa siyang earner para makapag-take ng LET.
Nakiusap siya sa mga netizen na hangga't maaari, huwag namang magkomento ng "below the belt" laban sa kaniya at dagdagan pa ang sama ng loob niya.
Hati kasi ang opinyon at komento ng mga netizen kung sino raw ang may pagkukulang sa nangyari.
May mga nagsabing masyado raw naging mahigpit ang proctor at sana raw, pinagbigyan na lamang siya.
May mga nagsabi namang kasalanan niya ang mga nangyari dahil dapat daw, tiniyak niyang handa na ang lahat bago pa man sumalang sa pagkuha ng exam.
May mga nanisi naman sa PRC at sinabing dapat amyendahan ang polisiya sa pag-take ng exam.
Sa kabilang banda, ibinahagi naman ni Balita ang post niya tungkol dito at pinangakuang gagawing full scholar sa review.
Hinimok din ni Balita ang mga netizen na mas maging mabait sa examinee.
"Sya na nga ang hindi naka-take sya pa ba ang aawayin ng iba? Kawawa naman. Tama na. Hindi makakatulong sa kanya yan.
Let us be KIND please," aniya.
"Netizens in Social media please be kind! It is free. She is going to be my FULL SCHOLAR FOR THE REVIEW ASAP," aniya pa.
Photo courtesy: Screenshot from Carl E. Balita/FB
PATAKARAN NG PRC PATUNGKOL SA MGA DARATING NA LATE EXAMINEES
Sa PRC Resolution No. 2004-243 dated October 25, 2004, pinapayagan ng PRC ang pagpapa-exam sa examinees na late dumating sa venue basta't dumating siya nang hindi hihigit sa 15 minuto sa pagsisimula ng exam at wala pang examinee na nagpapasa ng testpaper sa proctor.
Pero noong 2008, inamyendahan ito ng PRC kaya inilabas nila ang PRC Resolution No. 2008-417, series of 2008 noong Pebrero 1, 2008, para ma-instill ang disiplina sa mga board exam takers.
Nakasaad, "WHEREAS, Section 7 (d) of R.A. No. 8981, otherwise known as the 'PRC Modernization Act of 2000' empowers the Commission to administer and conduct the licensure examinations of the various regulatory boards in accordance with the rules and regulations promulgated by it and to adopt measures to preserve the integrity and inviolability of licensure examinations."
"WHEREAS, in Resolution No. 2004-243 dated October 25, 2004 the Commission allowed the admission of late examinees provided that the tardiness does not exceed fifteen (15) minutes after the start of the examination and that no examinee has submitted his/her test papers."
"WHEREAS, there is a need to return to the previous practice of not allowing examinees arriving late after the start of the examination in order to safeguard the integrity of the examination and to instill discipline among the examinees themselves."
Sa pagpapatuloy pa, "WHEREFORE, the Commission resolved, as it is hereby resolves as follows:
"1. Under normal conditions, examinees arriving late at the examination room/group to where he/she is assigned after the start of the examinations shall NOT be allowed to take the examinations."
"2. In special cases such as high floods, typhoons, transport strike, threat to the peace and order situation like mass rally/protest action, mutiny or coup d’ etat, the start of the examinations shall be delayed and the time to finish or end shall be adjusted accordingly. The adjusted time to start and to finish the examinations shall be the same in all test centers. Examinees arriving after the adjusted schedule shall no longer be allowed to take the examinations."
"3. In both instances, the Room Watchers/Proctors shall indicate the examinee’s time of arrival on the Examinees’ Record of Attendance Sheet for records purposes and shall place the remarks 'LATE-NOT ALLOWED TO TAKE EXAM.'"
Kaya naman, "Resolution No. 2004-243 dated October 25, 2004, is hereby revoked."
Maki-Balita: Sinong may pagkukulang? LET examinee emosyunal, hindi nakakuha ng exam dahil na-late
