INILABAS na ng bagong Star Music artist na si Brian Gazmen ang kanyang unang single, ang Ayoko Nang Makarinig ng Love Song nitong Miyerkules (Enero 31) sa MOR 101.9.
Bagamat breakup song, tampok ang mabilis na tugtugin upang magbigay pag-asa sa kabataan sa kabila ng heartbreak.
Pumirma na rin si Brian ng three-year contract sa Star Music kamakailan. Bukod sa pag-awit, ang Atenista na nasa ikahuling taon ng high school ay isa ring baguhang aktor na naging bahagi ng mga pelikulang Seven Sundays, Love You To The Stars and Back, at ng mga programa sa ABS-CBN na La Luna Sangre at Ipaglaban Mo.
