TATANGKAIN ni Grandmaster Rogelio Antonio Jr. na makaganti kontra kay Fide Master (FM) Nelson “Elo” Mariano III sa pagpapatuloy ng Philippine Chess Blitz Online Face Off Series sa Sabado sa Alabang Hills Village, Alabang, Muntinlupa City.

antonio copy

Nais ng 13-times Philippine Open champion Antonio na makaresbak sa pagkatalo niya kay Mariano sa 6th Gathering of Knights and Kings (Fianchetto Blitz Chess Tournament) na ginanap sa Ramon Magsaysay Cubao High School sa Quezon City.

“I’ve learned a lot from that defeat and have worked hard to improve my game,” sabi ng 55-years-old Antonio na sariwa pa sa pagkapanalo kontra kay Fide Master David Elorta, 7-5, nitong Enero 20.

ALAMIN: Ano nga ba ang EBET Law na pinirmahan ni PBBM

ALAMIN: Ano nga ba ang EBET Law na pinirmahan ni PBBM

“ I think I’m a lot better now than the last time we met (Nelson “Elo” Mariano III) ,” ani ng Quezon City resident Antonio, ang Vice Champion ng 7th World Senior Chess Championship 2017 (50+ and 65+ Open-men and women) sa Acqui Terme, Italy nitong Nobyembre.

“The result will be different this time,” paniniyak ng dating top player ng University of Manila (UM) at tubong Calapan, Oriental, Mindoro.

Nagbigay naman ng pahayag si tournament organizer at Philippine Executive Chess Association (PECA) founding president Atty. Cliburn Anthony A. Orbe.

“It’s going to be a very thrilling-down-to-wire finish,” aniya.