Mocha, nawindang sa geography ng Mayon-Balita

Ni LITO T. MAÑAGO

VIRAL at pinagpapasa-pasahan sa social media ang short video message ni Mocha Uson, dating lider ng Mocha Girls at ngayon ay itinalagang Assistant Secretary ng Presidential Communications Operations Office (PCOO) ni President Rody Duterte, tungkol sa nag-aalburotong Mayon Volcano na magtatagpuan sa probinsiya ng Albay sa Bicol Region.

Sa pagkakaalam namin, nag-ugat ito nang ibalik ni Mocha ang Thomasian Alumni Award na iginawad sa kanya ng UST-AAI (University of Sto. Tomas- Alumni Association, Inc.) dahil sa ‘pag-aalburoto’ naman at pagpalag ng mga dating nagtapos at student leaders ng universidad.

Sa unang video na umabot ng 11 seconds at na-view na ng mahigit 209 thousand plus as of deadline, ani Mocha sa kanyang post-interview pagkatapos ibalik ng kanyang staff ang award, “At ‘yung pinakamahalaga pa, ‘yang nangyayari sa Naga, ‘yang pag-aalburoto ng Mayon Volcano, dapat do’n po nakatuon ang ating mga balita!”

Ang Naga (for Mocha’s geography lesson) ay isang independent component city ng Camarines Sur o mas kilala ngayon bilang CamSur, isa sa anim na probinsiya ng Bicol Peninsula (kabilang ang Albay, Masbate, Catanduanes, Camarines Norte at Sorsogon) at dito matatagpuan ang isang pang bulkan na natutulog, ang Mt. Isarog.

Ang Mayon Volcano naman, kilala bilang world’s perfect cone ay makikita at matatagpuan sa lalawigan ng Albay.

Ang lungsod ng Naga ang tahanan nina dating DILG Secretary Jesse Robredo (SLN) at iginagalang na ikalawang pinakamataas na opisyal ng bansa -- the Honorable Vice-President Leni Robredo -- na madalas tuligsahin at atakehin ng kagalang-galang na Asec. Mocha ng PCOO.

At any rate, nang mag-viral at maglabas ang netizens ng memes ng bulkan (backdrop ang Mayon Volcano ng SM Naga, Peñafrancia Cathedral at iba pa), nag-issue ng erratum si Asec Mocha via a four-second video at sabi niya, “Taga-Albay po siya kung nasaan ang Mayong Bulkan!”

Kasunod naman nito ang isa pang video at pagtatapos niya, “So ‘yun lang po. Naga, trending. Si Mocha, tanga! Maraming salamat po.”

Habang tinatapos namin ang aming deadline kahapon, naglabasan pa ang iba’t ibang memes na ang Mayon Volcano ay makikita na sa USA (Statue of Liberty), China (Great Wall), Dubai (Burj Khalifa), Japan (back-to-back with Mt. Fuji), Paris (Eiffel Tower) at marami pang iba.

Spell Pinoy’s creativity, ingenuity at imagination, ibinuhos na nilang lahat dito! Thanks to Madam Mocha’s hilarity.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...