Ni NORA CALDERON

MAGKASUNOD na umalis last Monday si Alden Richards na patungong Sydney, Australia at si Maine Mendoza na patungo namang Toronto, Canada.

Halos nag-abot sila sa Ninoy Aquino International Airport kaya may mga nagtanong kung magkasama raw ba sila sa concert ni Alden sa Sydney. Pero naunang umalis si Alden ng 11:00 AM for a direct flight to Sydney, si Maine naman ay umalis ng 4:00 PM direct flight to Toronto.

ALAMIN: Ano nga ba ang EBET Law na pinirmahan ni PBBM

Kung alam na may concert si Alden sa Sydney, pero iilan ang nakakaalam kung saan pupunta si Maine. May mga nagtanong pa kung bakit daw sekreto o biglaan ang pag-alis niya.

Wala ngang nakakuha ng sagot kay Maine sa airport, maliban sa video na lumabas na kumakaway siya ng pagpapaalam at message na “thank you sa suporta” sa fans na nandoon.

Tinanong namin si Rams David, manager ni Maine sa Triple A Agency, pero secret pa raw kung ano ang gagawin ng dalaga sa Toronto, Canada. Maging ang handler na kasama ni Maine na si Michael Uycoco, walang post sa Instagram maliban sa Instagram story na ipinakikita ang dalawang paa.

Until nag-post si Nicole Tejano, M.A.C. Cosmetics/PR & Artist Relations ng @MACCosmeticsPH ng picture ng standee ng, “Welcome MAC Influencers: Jamie, Kel, Nina, Nym, MAINE, Patricia at Paulina at nasa background naman ang “The Estee Lauder Companies Inc. Canadian Innovation Centre.”

Nag-Tweet na rin si Maine ng, “When you don’t know how to do your own make-up. #VavaengMarangal na lang ang peg. Tint tint ganun.”

May tweet na rin si Michael na, “2nd batch for today. Congratulations @mainedcm. #MAINEforMAC.”

Tiyak na ito ang sinabi ni Rams na may malaking endorsement siyang tinanggap for Maine. At bongga dahil sa Toronto, Canada pa nga ang shoot.

Wala pang kasunod na post si Maine, maliban sa paglalakad nila ni Michael may makapal na snow sa background.

Samantala, nag-post naman si Alden ng picture niya sa Bondi Beach, Sydney. Kung noong Christmas vacation ay si Alden ang lamig na lamig sa snow sa Japan, si Maine naman ay nag-post ng pictures niya in bikini sa Miami Beach, magkabaligtad naman ngayon.

Mamayang gabi ang Alden Live In Sydney sa Evan Theatre Panthers Pernrith, Sydney, at 7:00 PM sponsored by GMA Pinoy TV at produced ng mga Memory Bliss Productions, with Betong Sumaya.

May friends kami from London at Los Angeles, California na pumunta pa ng Sydney para manood ng concert. Sold out na ang concert tickets at maayos na nagawa ang press conference with the local press at ang meet and greet with the fans.