LIMANG fighter mula sa Manny Pacquiao Davao Gym ang sasabak sa boxing promotion na co-promoted ng eight-division world champion sa September 29 sa Beijing, China.
Mapapalaban sina interim WBO Oriental flyweight champion Ronnie Baldonado, WBO Asia Pacific welterweight champion Jayar “Hitman” Inson, MinProBA flyweight champion Genesis “Cobra” Libranza, light flyweight Rene Mark Cuarto at walang talong MinProBA bantamweight king Vincent Astrolabio.
Makakasama nila sa biyahe sina chief trainer Nonoy Neri, manager Vanessa Neri at trainer Samson Amonggo. Nakatakda silang umalis ngayong hapon.
Itataya ni Baldonado (9W-0L-1D, 6 KOs) ang korona kontra kay dating IBF Youth flyweight champion Iwan “Sniper” Zoda (14W-2L-1D, 13 KOs) ng Indonesia sa 10 rounds main event.
'Pikon daw?' UAAP fan na nag-dirty finger, agaw-eksena sa San Juan Arena!
“OK ang condition ug preparasyon ni Jong-Jong sa iyang depensa,”pahayag ni Neri, bahagi rin ng Team Pacquiao.
Nakuha ni Baldonado, pambato ng Carmen, North Cotabato ang interim WBO Oriental flyweight crown nang pabagsakin si Yiming Ma sa first round nitong April 27 sa National Olympic Sports Center Gym sa Beijing.
“Hindi puwedeng magkumpiyansa, malakas din ang kalaban,” sambit ni Neri.
Sasabak naman sa four-round fight sina Inson (13W-1L-0D, 9 KOs) kontra Yangcheng Jin (5W-1L-2D, 1 KO) at Libranza (12W-1L-0D, 9 KOs) laban kay Yujie Zeng (6W-6L-1D).
Masusubok naman si Cuarto (12W-1L-1D, 7 KOs) kay Guangxiong Li (4W-2L-1D) hanang sabak si Astrolabio (9W-0L, 7 KOs) kay Ayati Sailike (3W-4L-2D, 1 KO).
