Ni: Mary Ann Santiago
Wala na nga yatang araw na lilipas na hindi nagkakaroon ng problema ang mga tren ng Metro Rail Transit Line 3 (MRT-3) nang muling makaranas ng tatlong technical glitch, nitong Sabado ng umaga.
Sa abiso ng MRT-3, kasisimula pa lamang ng araw ay dumanas na ng technical problem ang isa sa mga tren nito sa northbound lane ng Santolan Anapolis Station sa Pasig City, dakong 5:44 ng madaling araw.
Pagsapit ng 7:04 ng umaga, dahil pa rin sa problemang teknikal, ay muling nagpababa ng mga pasahero ang isa pa nitong tren sa northbound ng Shaw Boulevard Station sa Mandaluyong City.
4.5-magnitude na lindol, yumanig sa Surigao del Norte
Sa southbound ng Shaw Boulevard naman naganap ang ikatlong aberya at napilitang pababain sa tren ang mga pasahero sa pocket track, bandang 7:24 ng umaga.
Muling humingi ng paumanhin ang pamunuan ng MRT- 3.
