Ni NITZ MIRALLES
MAY series of IG stories at pictures sina John Lloyd Cruz at Ellen Adarna galing kay Kim Araneta na nakita sa social media ng netizens. Marami ang kinilig na dinala ni Ellen sa Cebu si John Lloyd na enjoy sa Cebu at enjoy na kasama si Ellen.
May IG story na may hawak na microphone si John Lloyd habang nasa tabi niya si Ellen na nakangiti. May IG story namang si Ellen ang may hawak ng microphone at magkadikit na sila rito ni John Lloyd.
Pasig River Esplanade, worth it nga bang puntahan?
May mga kinilig sa thought na dinala ni Ellen si John Lloyd sa Cebu to meet her parens and her family. Ang ibig sabihin daw noon ay getting serious na ang kanilang relasyon. Ito’y kahit may bumasag sa kilig ng fans na kaya nasa Cebu si John Lloyd ay dahil nag-shoot ng endorsement.
Posible nga namang sumabay si Ellen para ipasyal sa Cebu si John Lloyd at ipakilala na rin sa pamilya niya.
Hindi masasabing promo ng kanilang sitcom na Home Sweetie Home ang madalas na pagsasama nina John Lloyd at Ellen at hindi rin naman sila ibenebenta as love team. Kaya hayaan na nating mag-enjoy at magmahalan ang dalawa.
