NAGKA- LQ man sina Lawiswis at Pagaspas sa Mulawin vs Ravena, nagkaayos din naman sila agad at in real life ay sweet na sweet pa rin ang young Kapuso love team na BiGuel.
Marami ang kinikilig sa Instagram posts nina Bianca Umali at Miguel Tanfelix dahil nalalaman ng kanilang fans na madalas talaga silang magkasama. Sabi nga ni Bianca sa kanyang isang post, kahit saan daw ay masayang puntahan basta’t kasama si Miguel.
Inaamin nila sa mga interbyu sa kanila ang posibilidad na maging sila pagdating ng tamang panahon. Hindi raw off-the-table ‘yun, at sabi pa ni Miguel, kapag wala nang sagabal, gusto niyang pormal na ligawan si Bianca the old-fashioned way, by going the extra mile.
