Ni Dennis Principe
HINDI man ganap na maunawaan ang dahilan nang patuloy na kaguluhan sa Mindanao, ang magkaroon ng kapayapaan sa kanilang puso’t isipan – sa pamamaraan ng sports – ang layunin ng ‘TM Football Para sa Bayan’ sa mga kabataan sa Mindanao, partikular sa mga lalawigan na apektado ng iba’t ibang gusot.
“Our program is not exclusive for poverty-stricken and talented kids. In fact, we learned from our partners that rebels in Mindanao have encouraged their kids to join our program and we have gladly accepted them,” pahayag ni Globe citizenship manager Rofil Sheldon Magto sa isinagawang media launching ng programa na nasa ikatlong taon.
Classic movie ‘Ipaglaban Mo!’, ipinalabas ng CCP bilang kampanya vs VAWC
Iginiit ni Magto na sa kabila ng kanilang pagpupursige na matulungan at mapaangat ang morale ng mga kabataan, hindi nila aniya isinasaintabi ang aspeto ng kaligtasan para sa mga kalahok at mga opisyal na nagsasagawa ng programa.
“I am from Cagayan de Oro and I know, despite the conflict going on in one area, there is no chaos in the entire region. Still, we are partnering with the Philippine Marines who are actually eager to help this program as they themselves encourage their kids and children of rebels as well to join and play football,” sambit ni Magto.
Inihayag ng Globe ang pakikipagtambalan sa Astro Malaysia Holdings Berhad (Astro) – nangungunang content and consumer company sa Southeast Asia – gayundin sa over-the-top (OTT) streaming service Tribe sa ikalawang sunod na taon.
Bunsod nito, muling mabibigyan ng pagkakataon ang mga batang Pinoy na makalaro at magsanay sa Astro Kem Bola Advanced Training Program sa Kuala Lumpur, Malaysia, gayundin sa partner nitong FC Barcelona sa Spain.
“We believe in the comprehensive development of an athlete and look forward to supporting the advancement of football amongst youth in the region through strategic collaborations such as the one we have with Globe,” sambit ni Iskandar Samad, CEO of Tribe.
Nakasentro ang “TM Sports Para sa Bayan 2017” sa football, basketball, at volleyball. Bukod sa pinakasikat na sports sa Pinoy, ang tatlong sports ay pawang sumasakop sa anumang kasarian at katayuan sa buhay ng Pinoy.
Nakikipagtambalan din ang Globe sa grassroots football organizations tulad ng Dream Big Pilipinas (Metro Manila), Fundacion Santiago (Vigan, Ilocos Sur) at San Carlos City, Negros Occidental, gayundin sa Fundlife International (Palo, Leyte).
