NI: Liezle Basa Iñigo
Tatlong katao, kabilang ang isang motorcycle rider, ang kaagad na nasawi makaraang makasalpukan ang isang Toyota Hi-Ace sa national highway ng Barangay Tuao South sa Bagabag, Nueva Vizcaya, nitong Lunes ng madaling araw.
Sa report kahapon ng Police Regional Office (PRO)-2, nabatid na nangyari ang aksidente dakong 3:30 ng umaga nang bumangga ang Kawasaki motorcycle na minamaneho ni John Rey Miguel, 20, ng Bgy. San Manuel, Echague, Isabela, sa Toyota Hi-Ace na minamaneho ni Francis Agbayani, 33, ng Bgy. Marede, Santa Ana,Cagayan.
Dead on the spot si Miguel, habang sa ospital naman binawian ng buhay ang dalawang angkas niya.
Probinsya
Tinatayang 132,000 pamilya, lumikas sa Eastern Visayas dahil sa super typhoon Pepito
Sugatan at isinugod din sa ospital si Agbayani.
