DAVAO CITY – Nahuli sa akto ng mga operatiba ng Philippine Drug Enforcement Agency (PDEA)-Davao del Sur ang isang guro sa pampublikong paaralan sa pagbebenta ng droga sa ikinasang buy-bust operation sa Cabrillos Street, Barangay Zone 2, Digos City nitong Biyernes.
Inaresto si Kristine "Ting-ting" Deluao, 43, guro sa Digos City National High School, at taga-Bgy. San Jose, Digos City, Davao del Sur.
Nagsilbing poseur buyer ang isang tauhan ng PDEA para maisagawa ang operasyon, at nabawi kay Deluao ang 1,000 marked money.
Matagal nang target ng surveillance operation ang guro, ayon sa PDEA.
Probinsya
OFW na hinoldap, inundayan ng saksak sa terminal sa Maynila, nakauwi na ba sa pamilya?
Nasa kustodiya na ng PDEA ang guro, na kakasuhan sa paglabag sa Comprehensive Dangerous Drugs Act (RA 9165).
(YAS D. OCAMPO)
