BATANGAS - Dalawang katao, kabilang ang isang apat na taong gulang na lalaki, ang kapwa nalunod sa ilog sa magkahiwalay na lugar sa Batangas.
Ayon sa report ng Batangas Police Provincial Office (BPPO), dakong 10:30 ng umaga nitong Miyerkules nang malunod si Gleicer Loyd Perey, 4, na taga-Barangay Kaylaway, Nasugbu.
Nag-outing umano ang pamilya ng paslit sa Malibu River sa Tuy nang malunod ang bata.
Samantala, dakong 12:15 ng tanghali naman nang malunod sa Calumpang River, sakop ng Sitio Ferry sa Bgy. Kumintang, Batangas City, ang isang babaeng hindi pa nakikilala.
Probinsya
Tinatayang 132,000 pamilya, lumikas sa Eastern Visayas dahil sa super typhoon Pepito
Nakasuot ng puting T-shirt at brown shorts ang biktima, na hindi na umabot nang buhay sa Batangas Medical Center.
(Lyka Manalo)
