Sinawimpalad ang isang matandang lalaki makaraang mabundol ng sasakyan at takasan ng driver nito sa Las Piñas City, kahapon ng madaling araw.
Binawian ng buhay habang nilalapatan ng lunas sa Las Piñas Doctors Hospital si Delfin Acaba, 79, ng Las Piñas City, sanhi ng matinding pinsala sa katawan.
Sa inisyal na ulat ng Las Piñas City Police, dakong 5:30 ng madaling araw ay tumatawid ang biktima sa Alabang-Zapote Road, Almanza Uno nang mabundol ng sasakyan.
Sa pahayag sa pulisya ng testigong si Danilo Barcala, isang Sedan ang nakabangga sa biktima at ngunit tumakas ang driver at humarurot palayo.
Archdiocese of Manila, hindi mag-eendorso ng kandidato sa eleksyon
Sinusuri ng awtoridad kung nahagip ng closed-circuit television (CCTV) camera ang insidente upang matukoy pagkakakilanlan ng driver.
Kasong reckless imprudence resulting in homicide ang naghihintay laban sa suspek. (Bella Gamotea)
